Sony Xperia T3 - Axustes da cámara fotográfica

Descrición xeral dos axustes da cámara fixa

Resolución

Seleccione entre varias resolucións e formatos antes de tirar unha foto. As fotos cunha

maior resolución ocupan máis memoria.

8MP

3264×2448(4:3)

Resolución de 8 megapíxeles cun formato de 4:3. Axeitada para ver fotos en pantallas que non son anchas

ou para imprimilas en alta resolución.

5MP

3104×1746(16:9)

Un tamaño de imaxe de 5 megapíxeles cun formato de 16:9. Axeitada para ver fotos en pantallas que non

son anchas ou para imprimilas en alta resolución.

2MP

1920×1080(16:9)

Resolución de 2 megapíxeles cun formato de 16:9. Axeitada para ver fotos en pantallas anchas.

2MP

1632×1224(4:3)

Resolución de 2 megapíxeles cun formato de 4:3. Axeitada para ver fotos en pantallas que non son anchas

ou para imprimilas en alta resolución.

Este axuste só está dispoñible no

Manual modo de captura.

Disparador automático

Co temporizador pódense sacar fotos sen necesidade de suxeitar o dispositivo. Use

esta función para facer autorretratos ou fotos de grupo nas que todos desexen saír na

foto. Tamén pode utilizar o disparador automático para evitar mover a cámara ao facer

fotos.

Activado (10 s.)

Establécese unha demora de 10 segundos desde o momento en que se pulsa a pantalla da cámara ata que

se tira a foto.

Activado (2 s.)

Establécese unha demora de 2 segundos desde o momento en que se pulsa a pantalla da cámara ata que

se tira a foto.

Desactivado

A foto tírase en canto se pulsa a pantalla da cámara.

Smile Shutter™

Use a función Smile Shutter™ para determinar con que tipo de sorriso reacciona a

cámara antes de tirar unha foto.

Modo de enfoque

A función de enfoque controla que parte dunha foto debe aparecer nítida. Cando o

enfoque automático continuo está activado, a cámara segue a axustar o enfoque de

xeito que a área interior do marco de enfoque de cor permanece nítida.

Enfoq. autom. puntual

A cámara enfoca de xeito automático o suxeito seleccionado. O enfoque automático continuo está activado.

Toque e manteña na pantalla da cámara ata que o marco amarelo de enfoque se volva azul, o que quere

dicir que o enfoque está axustado. A foto tírase cando se levanta o dedo.

Detección de caras

A cámara detecta de xeito automático ata cinco caras humanas, indicadas con marcos na pantalla. A

cámara enfoca de xeito automático a cara máis próxima. Tamén pode seleccionar que cara desexa enfocar

pulsando sobre ela na pantalla. Cando pulsa a pantalla da cámara, aparece un marco azul que amosa a cara

que está a ser enfocada. A detección de caras non pode usarse con todos os tipos de escenas. O enfoque

automático continuo está activado.

Enfoque táctil

82

Esta é a versión en liña desta publicación. © Só se pode imprimir para uso persoal.

Toque unha zona concreta da pantalla da cámara para axustar a zona de enfoque. O enfoque automático

continuo está desactivado. Toque e manteña na pantalla da cámara ata que o marco amarelo de enfoque se

volva azul, o que quere dicir que o enfoque está axustado. A foto tírase cando se levanta o dedo.

Seguimento de obxecto

Cando selecciona un obxecto tocándoo no visor, a cámara ségueo por vostede.

Este axuste só está dispoñible no modo de captura

Manual.

HDR

Use o axuste HDR (High-Dynamic Range) para sacar unha foto a contraluz ou en

condicións onde haxa moito contraste. O HDR compensa a perda de detalle e crea

unha imaxe que amosa as zonas escura e brillante.

Este axuste só está dispoñible no modo de captura

Manual.

ISO

Pode reducir o aspecto borroso dunha imaxe causado por condicións escuras ou

obxectos en movimiento aumentando a sensibilidade ISO.

Auto

Establece a sensibilidade ISO de xeito automático.

100

Establece a sensibilidade ISO en 100.

200

Establece a sensibilidade ISO en 200.

400

Establece a sensibilidade ISO en 400.

800

Establece a sensibilidade ISO en 800.

1600

Establece a sensibilidade ISO en 1600.

Este axuste só está dispoñible no modo de captura

Manual.

Medición

Esta función determina de xeito automático unha exposición equilibrada ao medir a

cantidade de luz que chegará á imaxe que quere capturar.

Central

Axusta a exposición no centro da imaxe.

Compensada

Calcula a exposición baseada na cantidade de luz de toda a imaxe.

Puntual

Axusta a exposición nunha pequena parte da imaxe que quere capturar.

Este axuste só está dispoñible no modo de captura

Manual.

Estabilizador de imaxes

Cando se saca unha foto, pode ser difícil suxeitar o dispositivo con firmeza. O

estabilizador de imaxes axúdalle compensando os movementos leves da man.

Este axuste só está dispoñible no modo de captura

Manual.

Previsualizar

Pode previsualizar fotos ou vídeos mesmo despois de sacalos.

83

Esta é a versión en liña desta publicación. © Só se pode imprimir para uso persoal.

Ilimitado

A previsualización da foto ou do vídeo aparece despois de sacalo.

5 segundos

A previsualización da foto ou do vídeo aparece durante 5 segundos despois de sacalo.

3 segundos

A previsualización da foto ou do vídeo aparece durante 3 segundos despois de sacalo.

Editar

A foto ou o vídeo ábrese para a súa edición despois de sacalo.

Desactivado

A foto ou o vídeo gárdase despois de sacalo e non aparece ningunha previsualización.

Rexistro de caras

Pode rexistrar caras coa aplicación Cámara para que o visor focalice automaticamente

esas caras cando aparecen no visor.

Flash

Use o flash para sacar fotos cando as condicións de iluminación sexan pobres ou haxa

luz de fondo. Cando pulsa na icona de flash están dispoñibles as seguintes opcións

na pantalla da cámara:

Auto

A cámara determina de xeito automático se as condicións de iluminación precisan do uso dun flash.

Flash de recheo

Use este axuste cando o fondo teña máis brillo que o suxeito. Isto elimina as sombras non desexadas.

Reduc. ollos vermellos

Reduce a cor vermella dos ollos ao sacar unha foto.

Desactivado

O flash está desactivado. Ás veces a calidade da foto é mellor sen o flash, mesmo en condicións de

pouca iluminación. Para sacar unha boa foto sen utilizar o flash, cómpre dispoñer dunha man firme.

Use o temporizador para evitar sacar fotos borrosas.

Lanterna

Unha lanterna ou luz da cámara actívase ao sacar fotos.

Selección de escenas

Use a característica Selección de escena para axustar rapidamente a cámara a

situacións habituais usando escenas programadas previamente. A cámara determina

algúns axustes para axeitarse á escena seleccionada e garantir a obtención da mellor

foto posible.

Desactivado

A característica Selección de escena está desactivada e pode tirar fotos manualmente.

Pel suave

Úsase para tirar fotos de caras cun efecto de beleza mellorada.

Instantánea suave

Úsase para tomar fotos con fondos suaves.

Desenfoque antimovemento

Úsase para minimizar o movemento da cámara cando se fan fotos dunha escena escura.

Paisaxe

Úsase para tirar fotos de paisaxes. A cámara enfoca obxectos distantes.

Corrección contraluz HDR

Úsase para mellorar detalles en capturas con gran contraste. A corrección incorporada de luz de

fondo analiza a imaxe axustándoa de xeito automático para que teña unha captura perfectamente

iluminada.

Retrato de noite

Úsase para retratos tomados pola noite ou en situacións de pouca iluminación. Por mor do tempo de

exposición prolongado, cómpre que a cámara se manteña quieta ou se sitúe nunha superficie

estable.

84

Esta é a versión en liña desta publicación. © Só se pode imprimir para uso persoal.